Аргентина терма жамоаси ярим ҳимоячиси Леандро Паредес Испания терма жамоасига қарши кечган 2026 йилги жаҳон чемпионати финал ўйини атрофидаги фитна назариялари ҳақида ўз фикрини билдирди. 19 июль куни бўлиб ўтган учрашувда испанлар 1:0 ҳисобида зафар қучишди.
«Эшитаётган гапларимдан ақлдан озиш мумкин. Жаҳон чемпионатидан олдин, мусобақа пайтида ва ундан кейин айтилган барча гаплар... Назаримда, биз ажойиб жаҳон чемпионатини ўтказдик. Испания финалда Аргентинадан кучлироқ эди. Бу ҳаққоний ғолиб. Ҳозир қила оладиган ягона ишимиз — бажарган меҳнатимиздан ва саккиз йил давомида эришган ютуқларимиздан завқ олишдир, бу ҳайратланарли. Бунинг бир қисми бўлиш мен учун ёқимли. Вақт ўтиши билан буни англаб етамиз, чунки бу ҳақиқатан ҳам ишониб бўлмас даражада», — деди Паредес Ole нашрига.
