Колумбия футбол федерацияси Нестор Лоренцо терма жамоа бош мураббийи лавозимида фаолиятини давом эттиришини расман эълон қилди.
Колумбия терма жамоаси ЖЧ–2026да нимчорак финалгача етиб борди. Ушбу босқичда жамоа Швейцарияга пенальтилар сериясида имкониятни бой берди.
Мундиалда колумбияликлар Португалия, ДР Конго ва Ўзбекистон иштирок этган гуруҳда биринчи ўринни эгаллади. 1/16 финалда эса Гана устидан 1:0 ҳисобида ғалаба қозониб, кейинги босқичга йўл олганди.
60 ёшли Нестор Лоренцо бошқарувида Колумбия терма жамоаси 2024-йилги Америка кубогида кумуш медалларни қўлга киритган. Шунингдек, жамоа 2022–2024-йиллар оралиғида қарийб икки йил давомида мағлубият нималигини билмаган эди.
