Ярим ўрта вазн тоифасида (77 кг гача) собиқ UFC чемпиони, нигериялик Камару Усман Оклахома-Ситида (АҚШ) бўлиб ўтган UFC Fight Night 281 турнирида жанубий африкалик Дрикус дю Плессига бой берилган жанг сўнг профессионал фаолиятини якунлаш ҳақида ўйлаб қолганини тан олди.
«Қаранг, ҳозир мураббийларим ва жамоам билан ўтириб, барчасини таҳлил қилишим керак. Фаолиятимнинг қайси босқичида турганимни ва бу билан шуғулланишни давом эттиришга арзийдими-йўқми — шуни тушуниб олишим лозим. Уларни яна шундай жараёнлардан ўтишга мажбур қилиш тўғрими? Мен ҳеч қачон октагонга чиқиб, уларнинг номини муносиб ҳимоя қила олмаган ҳолатда жанг қилмаганман», — деди Усман Pound 4 Pound подкасти эфирида.
Камару Усман ҳозирда 39 ёшда. Нигериялик спортчи аралаш яккакурашлар бўйича профессионал фаолиятини 2012 йилда бошлаган бўлса, 2015 йилдан бери UFC шафелигида жанг ўтказиб келади.
