Саудия Арабистонининг «Ал-Ҳилол» клуби жамоанинг янги футболчиси — нидерландиялик вингер Крисенсио Саммервиллни расман таништирди, деб хабар бермоқда Sports.kz.

24 ёшли футболчи «Вест Ҳэм»дан «Ал-Ҳилол»га кўчиб ўтди ва янги клуби билан тўрт йиллик шартнома имзолади. Transfermarkt маълумотларига кўра, трансфер қиймати 64,5 миллион еврога тенг.

Крисенсио Саммервилл 2026 йилги жаҳон чемпионатининг энг ёрқин кашфиётларидан бирига айланди. У Нидерландия терма жамоаси сафида тўртта ўйинда майдонга тушиб, 2 та гол урди ва 2 та голли узатма амалга оширди.

Эслатиб ўтамиз, Нидерландия терма жамоаси ЖЧ-2026нинг 1/8 финалида Марокашга қарши баҳсда асосий ва қўшимча вақтни 1:1 ҳисобида якунлаб, пенальтилар сериясида 2:3 ҳисобида мағлуб бўлган эди.