Франция терма жамоасининг собиқ футболчиси Вильям Галлас Жон Стоунснинг «Челси»га ўтиши мумкинлиги ҳақидаги хабарларга ўз муносабатини билдирди.

Миш-мишларга кўра, Лондон клуби ҳозирда эркин агент мақомида бўлиб турган Англия терма жамоаси марказий ҳимоячисига қизиқиш билдирмоқда.

«Унда катта тажриба бор. У АПЛда ғолиб чиққан, Чемпионлар лигасида зафар қучган. Шунинг учун ҳам ҳозирги вазиятда бу энг яхши вариант. Аксинча бўлган тақдирда, битта ҳимоячи учун жуда кўп пул сарфлашга тўғри келади ва у Премьер-лигага мослашиб кета олишига тўлиқ ишонч бўлмайди», — дейди Галласнинг сўзларини iPredicta.

32 ёшли Стоунс яқинда шартнома муддати тугагани сабабли «Манчестер Сити»ни тарк этди. Ўтган мавсумда ҳимоячи 18 та учрашувда майдонга тушиб, маҳсулдор ҳаракатлари билан ажралиб турмади.