Corriere dello Sport хабарига кўра, «Арсенал» ва «Челси» «Тоттенхэм» ҳимоячиси Кристиан Ромерони трансфер қилиш имкониятини кўриб чиқмоқда.
Аргентиналик футболчининг Лондон клуби билан амалдаги шартномаси 2029 йилгача мўлжалланган. Аммо жамоага аллақачон икки янги ҳимоячи — Ян Пол ван Хекке ва Маркос Сенеси келиб қўшилганини ҳисобга олсак, Ромеронинг шу ёзда «Тоттенхэм»ни тарк этиши кутилмоқда.
«Тоттенхэм» сардори клуб Премьер-лигада жонини сақлаб қалиш учун курашаётган бир пайтда, тиззасидан олган жароҳати сабабли ўтган мавсум охирини ўтказиб юборди. Кристиан мавсумнинг «Эвертон»га қарши кечган сўнгги ўйинини ўзининг жонажон клуби — Аргентинанинг «Бельграно» жамоаси ўйинини томоша қилиш учун ўтказиб юбориб, «шпорлар» мухлисларининг ғазабига учраган эди. Мухлислар Ромеронинг стадионда бўлишини кутишганди, аммо у ватанига жўнаб кетишни афзал кўрган.
