Истанбулнинг «Галатасарай» клуби «Милан» ҳужумчиси Рафаэл Леау трансфери бўйича расмий таклиф билан чиқди. Журналист Джанлука Ди Марцио берган маълумотга кўра, турк клуби португалиялик футболчини кейинчалик сотиб олиш ҳуқуқи билан ижарага олмоқчи.
Бироқ «Милан» раҳбарияти бундай форматга рози бўлмаяпти ва ўйинчини фақат тўлиқ сотиш вариантини кўриб чиқмоқда. Ҳужумчи 29 июль куни «россонери»нинг Австралиядаги мавсумолди турнесига бориб қўшилиши керак, аммо футболчининг ўзи Миланда қолишни истамаяпти.
Олдинроқ Туркиянинг бошқа бир клуби — «Фенербахче» Леауга қизиқиш билдираётгани ҳақидаги хабарларни рад этиб, ушбу трансфер учун йирик маблағ ажратиш нияти йўқлигини маълум қилган эди.
