«Галатасарой» «Бавария» ярим ҳимоячиси Жамал Мусиала билан келишувга эришилгани ҳақидаги маълумотни рад этди.
«Клубимиз Мусиала ва «Бавария» билан келишувга эришгани ҳақидаги хабар ҳақиқатга тўғри келмайди. Бу ҳақда жамоатчиликка маълум қиламиз», — дейилади Туркия клуби баёнотида.
Инсайдер Фабрицио Романонинг хабар беришича, ўз навбатида «Бавария» ва Мусиала ҳам ушбу ёзда хайрлашишни режалаштирмаяпти.
Германия терма жамоасининг 23 ёшли ўйинчиси жароҳат туфайли оғир кечган мавсумдан сўнг Мюнхен клубида муваффақиятга эришишни истамоқда, «Бавария» эса унга ишонч билдирмоқда.
