«Реал Мадрид»нинг марказий ҳимоячиси Рауль Асенсио Францияда фаолиятини давом эттириши мумкин. Mundo Deportivo нашрининг хабар беришича, «қаймоқранглилар»нинг янги бош мураббийи Жозе Моуриньонинг режаларига кирмаётган 23 ёшли футболчига «Марсель» даъвогарлик қилмоқда.

Манба маълумотларига кўра, дастлаб Асенсио Мадридни тарк этишни хоҳламаган, аммо якунда клуб талаб қилаётган трансферга рози бўлиши мумкин. «Марсель» испаниялик футболчини 15 миллион еврога сотиб олиш мажбурияти билан ижарага олмоқда.

Хабар қилинишича, «Реал» Асенсионинг «Марсель»дан кейинги ҳар қандай сотуви суммасидан 25% улуш ҳуқуқини ўзида сақлаб қолади. Олдинроқ футболчига Португалиянинг «Бенфика» клуби қизиқиш билдирган эди, бироқ Лиссабон клуби битимга «Реал» учун ҳимоячини қайта сотиб олиш опциясини киритишдан бош тортган.