Ўзбекистон футболида катта тажриба ва бой фаолиятга эга бўлган мутахассис Шуҳрат Мақсудов «Бунёдкор» футбол академияси бош директори лавозимига тайинланди. У футболчи ва мураббий сифатида ўз фаолияти давомида кўплаб ютуқларга эришган.
Таъкидланишича, унинг билим ва тажрибаси академияда ёш футболчиларни тарбиялаш, замонавий футболни ривожлантириш ҳамда иқтидорли ёшларни профессионал футболга тайёрлаш йўлида муҳим аҳамият касб этади.
«Шуҳрат Мақсудовни янги лавозими билан самимий табриклаймиз ва улкан муваффақиятлар, мустаҳкам соғлиқ ҳамда академиямиз равнақи йўлида янги зафарлар тилаймиз. Биргаликда футбол юлдузларини кашф қиламиз!» — дейилади клуб хабарида.
