«Ньюкасл» ҳужумчи Ник Вольтемадени жамоада олиб қолмоқчи.

Журналист Флориан Плеттенбергнинг маълумотига кўра, «қарғалар» германиялик футболчига клубни тарк этиш учун рухсат беришмаган.

Клубнинг янги спорт директори Росс Уилсон Вольтемадени сотиш ёки ижарага беришни хоҳламаяпти. У футболчининг катта мухлиси ҳисобланади.

Ҳужумчининг агенти Дэнни Бахманн атрофдаги миш-мишлар сохта (фейк) аккаунтлардан тарқалаётганини тасдиқлади, деб ёзади Плеттенберг.

24 ёшли ҳужумчининг ўзи ҳам жамоада қолишни режалаштирмоқда. У аъло даражадаги спорт формасида ва янги мавсум олдидан ўз олдига юқори мақсадларни қўйган.

«Ньюкасл» Вольтемадени 2025 йилнинг ёзида «Штутгарт»дан клуб учун рекорд даражадаги 85+5 миллион евро эвазига сотиб олган эди.