Қарағанданинг «Шахтёр» жамоаси чемпионлар лигасининг гуруҳ босқичига йўлланма олишига бир баҳя қолган эди. Улар ўз уйларида «Селтик»ни 2:0 ҳисобида енгишди, лекин Шотландияда 0:3 ҳисобида имкониятни бой берган ҳолда Европа лигасининг гуруҳ босқичида ўйнаш ҳуқуқи билан чегараланадиган бўлишди. Бу ҳам қозоқ футболи учун катта натижа десак, асло муболаға бўлмайди.
Жамоа устози, бир вақтлар Муборакнинг «Машъал» ва Қаршининг «Насаф» жамоаларида ишлаган Виктор Кумиков Европа лигаси ўйинлари ҳақида фикр билдирди.
"Шогирдларимнинг Қозоғистонда ўйнашни хоҳламаётгани бўлмаган гап. Улар юлдузлик касалига чалинишганича йўқ. Европа лигаси ҳақида гапирадиган бўлсам, ҳаммаси жойида. Барчаси режа асосида кетмоқда. Аввало илк рақибимиз ПАОК ҳақида ўйлаяпмиз. Биз бу ўйинда иккинчи рақамда ўйнаймиз.
Умуман олганда гуруҳдан чиқиш учун 9-10 очко етарли бўлади деб ўйлайман», - дейди мураббий.
