«Барселона» футболчиси Карим Адейеми ўзининг бош мақсади ва орзуси ҳақида сўзлаб берди. Германиялик вингер ўтган ҳафта Дортмунднинг «Боруссия» клубидан «кўк-анорранглилар» сафига келиб қўшилган эди. Каталония грандининг янги вакили янги жамоаси билан Чемпионлар лигасида зафар қучишига ишонишини билдирди.
– «Боруссия» билан финалда мағлуб бўлган эдинг. «Барселона» билан реванш ололаман деб ўйлайсанми?
– Албатта. Чемпионлар лигасида ғалаба қозониш — менинг бош орзуим. Мен бунга жуда яқин келгандим, аммо минг афсуски, ўшанда мағлуб бўлдик. Мен ҳали ҳам бу турнирда ғолиб бўлишни орзу қиламан. Ҳар куни айнан шу мақсад йўлида меҳнат қиляпман, — деди Адейеми Mundo Deportivo нашрига берган интервьюсида.
Эслатиб ўтамиз, «Барселона» 2015 йилдан бери Европанинг энг нуфузли клублар турнирида зафар қучгани йўқ. Ўтган мавсумда Ханси-Дитер Флик шогирдлари 1/4 финал босқичигача етиб бориб, Мадриднинг «Атлетико» клубига имкониятни бой беришган эди.
