«Арсенал»нинг собиқ футболчиси Пол Мерсон ярим ҳимоячи Жордан Хендерсон ва ҳужумчи Дэнни Уэлбекнинг «Челси»га кутилаётган трансферлари ҳақида ўз фикрини билдирди.

«Мен ҳар доим «Челси»га тажрибали футболчилар кераклигини айтиб келганман. Ва бу икки ўйинчи — айнан ўша тажрибанинг ўзгинасидир. Одамлар: «Ие, нега улар 35 ёшли футболчиларни сотиб олишмоқда?» дейишлари мумкин. «Челси» учун бу келажак ҳақида эмас, балки айнан ҳозирги вақт ҳақидадир.

Ишлар жойида кетаётган пайтда улар ҳар бир ўйинда майдонга тушишмайди. Лекин «Челси»да шундай ўйинлар бўладики, ҳамма нарса кутилганидек кечмайди ва мухлислар бироз асабийлаша бошлашади. Айнан шундай пайтда мана шу тажриба асқатади, менга ишонаверинг», — деди Мерсон Sky Sports’га берган интервьюсида.

«Челси» Хендерсон ва Уэлбек билан икки йиллик шартнома имзолаши кутилмоқда. Ушбу трансферлар ҳақида яқин соатларда расман эълон қилиниши керак.