Ҳужумчи Франко Мастантуоно шу ёзда «Реал»дан ижара асосида бошқа жамоага ўтади.
Журналист Бен Фернандес Сантоснинг маълумотига кўра, аргентиналик футболчи эртага, 1 август куни «Фиорентина»га қарши кечадиган ўртоқлик учрашуви учун австриялик йиғинга жамоа билан бирга йўл олмаган. Бунга ҳозирда Мастантуонони бошқа клубга ижарага бериш бўйича музокаралар олиб борилаётгани сабаб бўлган.
Франко Мастантуоно 2025 йилда «Ривер Плейт»дан 45 миллион евро эвазига «Реал» сафига ўтган эди. Унинг мадридликлар билан шартномаси 2031 йилнинг 30 июнигача мўлжалланган.
2025/26 йилги мавсумда аргентиналик футболчи «қаймоқранглилар» сафида барча турнирларда 35 та ўйинда майдонга тушиб, 3 та гол урди ва 1 та голли узатмани ўз ҳисобига ёздириб қўйди. Transfermarkt портали Мастантуононинг бозор қийматини 45 миллион еврога баҳоламоқда.
