ФИФА Испания терма жамоаси ва «Барселона» ярим ҳимоячиси Гавига нисбатан 2026 йилги жаҳон чемпионати финалидан кейин содир бўлган можаролардаги эҳтимолий носпортча хатти-ҳаракатлари юзасидан текширув бошлади. Бу ҳақда Mundo Deportivo нашри хабар берди.
Испания Аргентина устидан қўшимча бўлимларда 1:0 ҳисобида ғалаба қозониб, жаҳон чемпионига айланган финалдан кейин бир қатор тўқнашувлар юз берган эди.
Манба маълумотига кўра, Гавига камида бир ўйинлик дисквалификация таҳдид солмоқда.
Испания Қироллик футбол федерацияси (RFEF) эса ушбу қарор юзасидан апелляция тайёрламоқда. Уни топширишнинг сўнгги муддати 4 август, сешанба куни ҳисобланади.
RFEF Гави ҳеч қандай қоидабузарлик қилмаганини, аксинча, Аргентина терма жамоаси ярим ҳимоячиси Леандро Паредес томонидан ҳужумга учраганини исботлашга ҳаракат қилади.
Федерация далил сифатида видеотасвирни келтиришни режалаштирган. Унда тўқнашув оқибатида ерга айнан Гави йиқилгани акс этгани таъкидланмоқда.
