«Манчестер Юнайтед» ҳужумчиси Жозеф Габриэл «қизил иблислар»нинг асосий жамоаси сафида майдонга тушган энг ёш футболчи бўлди. Шанба, 1 август куни Мадриднинг «Атлетико» клубига қарши кечган ўртоқлик ўйинида (2:1) форвард 15 ёш ва 299 кунлик эди.
Габриэл «Манчестер Юнайтед»нинг собиқ дарвозабони Дэвид Гаскелл томонидан ўрнатилган рекордни янгилади — Гаскелл манкунианликларнинг асосий таркибида 16 ёш ва 19 кунлигида дебют қилган эди.
«Атлетико»га қарши ўйинда 15 ёшли Габриэл 82-дақиқада майдонга тушиб, дубль муаллифига айланган Брайан Мбемони алмаштирди. Ҳужумчи 2025 йилнинг ёзидан буён «қизил иблислар» тизимида ҳаракат қилиб келмоқда.
