«Челси» «Аталанта» ҳимоячиси Джорджо Скальвинига жиддий қизиқиш билдирмоқда. Goal.com нашри хабарига кўра, лондонликлар Италия терма жамоасининг 22 ёшли футболчиси вакиллари билан боғланиб, эҳтимолий трансфер шартлари билан қизиқишган.

Манбанинг таъкидлашича, «Аталанта» ўз тарбияланувчисини тахминан 48,7 миллион еврога баҳоламоқда ва бу суммадан паст таклифларни кўриб чиқмоқчи эмас. Ўтган мавсумда ҳимоячи 30 та ўйинда майдонга тушиб, 3 та гол урди ва 1 та голли узатмага муаллифлик қилди. шунингдек, у ўз ҳисобига 2 та сариқ ва 1 та қизил карточка ёзиб қўйди.

«Челси» Скальвини учун курашаётган ягона клуб эмас. Аввалроқ «Ньюкасл» ҳам футболчининг атрофидагилар билан алоқа ўрнатган, шунингдек, вазиятни «Тоттенхэм» ҳам синчковлик билан кузатиб бормоқда.