Бугун чемпионлар лигаси гуруҳ босқичи доирасида «Галатасарой» ҳамда «Реал» жамоалари ўзаро тўқнаш келишидан хабарингиз бор. Бу ўйин ўзига хос аҳамиятга эга. «Бланкос» устози Карло Анчелотти бугун чемпионлар лигасида олтита жамоа билан қатнашган биринчи мураббий бўлади.
Бунгача Анчелотти кўҳна қитъанинг энг нуфузли мусобақасида «Парма», «Милан», «Ювентус», «Челси» ва «ПСЖ» жамоаларини мураббий сифатида майдонга олиб тушган.
Эслатиб ўтамиз, бугунги ўйин Тошкент вақти билан 23:45да бошланади.













