«Интер» «Ливерпуль» ярим ҳимоячиси Кёртис Жонс учун 30 миллион фунт стерлинг (35 миллион евро) тўлашга тайёрлигини билдирди. Бу ҳақда Daily Mail нашри хабар бермоқда.

Манба берган маълумотга кўра, мерсисайдликлар 25 ёшли футболчини 35 миллион фунт стерлингга (40 миллион евро) баҳолашмоқда. Таъкидланишича, «Ливерпуль» «Интер»нинг 21,75 миллион фунтлик (25,4 миллион евро) охирги таклифини рад этган.

Ўтган мавсумда Жонс барча турнирларда 49 та ўйинда майдонга тушиб, 3 та гол урди ва 3 та голли узатмага муаллифлик қилди. Футболчининг клуб билан амалдаги меҳнат шартномаси 2027 йилнинг ёзигача мўлжалланган. Transfermarkt порталида келтирилган маълумотларга кўра, унинг бозор қиймати 35 миллион еврони ташкил этади.