«ПСЖ» аъзоси Дезире Дуэнинг акаси, «Страсбург» ҳимоячиси Гела Дуэ Париж клубининг эътиборига тушди. L’Équipe хабарига кўра, «ПСЖ» 23 ёшли Кот-д’Ивуар терма жамоаси аъзосини Ашраф Ҳакимига ўринбосар сифатида кўрмақда. Аммо ҳозирча музокараларда жиддий силжиш йўқ.
Гела Дуэ — «Ренн» академияси тарбияланувчиси. У икки йил олдин «Страсбург»га ўтиб, тезда жамоанинг асосий ўйинчисига айланган. Унинг клуб билан шартномаси 2029 йилгача мўлжалланган.
Сўнгги мавсумларда у деярли ҳамиша асосий таркибда майдонга тушган — 68 та ўйиннинг 63 тасида ўйнаб, 3 та гол урган ва 9 та голли узатма берган. Transfermarkt уни 20 миллион еврога баҳоламоқда.
