«Наполи» ёзги трансфер ойнасида ҳужумчи Ромелу Лукаку билан хайрлашишга тайёр. Бу ҳақда La Gazzetta dello Sport нашри хабар бермоқда.

Манба берган маълумотларга кўра, Неаполь клуби 33 ёшли бельгиялик футболчи бўйича 10 миллион евро миқдоридаги таклифларни кўриб чиқишга тайёр.

Илгарироқ «Наполи» раҳбарияти футболчининг агенти Федерико Пасторелло билан учрашув ўтказган эди. Музокаралар якунида томонлар ҳамкорликни давом эттирмасликка қарор қилишди.

Бундан ташқари, клуб Лукакуга маошини камайтиришга рози бўлишни таклиф қилган, бироқ форвард ушбу вариантни рад этган.

Юзага келган вазият фонида бельгиялик футболчининг шу ёзда «Наполи»дан кетиш эҳтимоли сезиларли даражада ортди.

Ўтган мавсумда ҳужумчи барча турнирларда бешта ўйинда майдонга тушиб, битта гол урди ва битта сариқ карточка олди. ОАВда Лукакунинг «Атланта Юнайтед»га ўтиши мумкинлиги ҳақида хабарлар тарқалган эди.