Мадриднинг «Реал» клуби бош мураббийи Жозе Моуриньо клуб раҳбарияти билан учта юлдуз футболчининг келажагини муҳокама қилди.
Португалиялик мутахассис «қаймоқранглилар» боссларига Винисиус Жуниор, Килиан Мбаппе ва Жуд Беллингемни жамоада сақлаб қолмоқчи эканини маълум қилди, деб хабар бермоқда The Touchline нашри Telegraph’га таяниб. Франциялик ва англиялик футболчиларнинг келажаги борасида алоҳида саволлар бўлмаган бўлса-да, бразилиялик футболчининг кетиши сўнгги ҳафталарда жуда фаол муҳокама қилинмоқда — уни Лондоннинг «Арсенал» клуби билан боғлашмоқда.
«Реал» Винисиус билан шартномани узайтириш бўйича музокараларни давом эттирмоқда, аммо ҳозирча бу натижа бергани йўқ. 26 ёшли вингернинг амалдаги битими келаси йилнинг июнь ойи охирида ўз ниҳоясига етади.
