«Фулхэм»нинг янги аъзоси Гонсало Гарсия фаолиятидаги янги босқични бошлашдан мамнун эканини таъкидлаб, Англия клубига ўтганига изоҳ берди.

«Бу ерда эканимдан жуда миннатдорман ва бахтлиман. Клуб раҳбариятига ҳамда менга билдирган ишончи учун Арбелоага миннатдорчилик билдирмоқчиман. Жамоа билан иш бошлашни катта интиқлик билан кутяпман», — деди Гарсиянинг сўзларини келтирган «Фулхэм» матбуот хизмати.

3 август куни Лондон клуби Мадриднинг «Реал» клубидан 22 ёшли ҳужумчини ўз сафига қўшиб олганини расман эълон қилди. Гарсия «Фулхэм» билан 2031 йилнинг ёзигача мўлжалланган шартнома имзолади.

Футболчи «қаймоқранглилар» тарбияланувчиси ҳисобланади. Ўтган мавсумнинг иккинчи ярмида у «Реал» сафида ҳозирда «Фулхэм»ни бошқараётган Альваро Арбелоа қўл остида тўп сурган эди.