«Fulxem»ning yangi a’zosi Gonsalo Garsiya faoliyatidagi yangi bosqichni boshlashdan mamnun ekanini ta’kidlab, Angliya klubiga o‘tganiga izoh berdi.

«Bu yerda ekanimdan juda minnatdorman va baxtliman. Klub rahbariyatiga hamda menga bildirgan ishonchi uchun Arbeloaga minnatdorchilik bildirmoqchiman. Jamoa bilan ish boshlashni katta intiqlik bilan kutyapman», — dedi Garsiyaning so‘zlarini keltirgan «Fulxem» matbuot xizmati.

3 avgust kuni London klubi Madridning «Real» klubidan 22 yoshli hujumchini o‘z safiga qo‘shib olganini rasman e’lon qildi. Garsiya «Fulxem» bilan 2031 yilning yozigacha mo‘ljallangan shartnoma imzoladi.

Futbolchi «qaymoqranglilar» tarbiyalanuvchisi hisoblanadi. O‘tgan mavsumning ikkinchi yarmida u «Real» safida hozirda «Fulxem»ni boshqarayotgan Alvaro Arbeloa qo‘l ostida to‘p surgan edi.