ФИФА футбол ассоциациялари томонидан қўллаб-қувватлаш йўқотилгани фонида Жанни Инфантинонинг АҚШ президенти Дональд Трамп маъмурияти билан алоқада бўлганини рад этди.
Олдинроқ Инфантинонинг Трамп кабинети мулозимлари билан телефон орқали мулоқот қилгани ҳақида маълумот пайдо бўлган эди – унда ФИФА раҳбари бўлажак сайловларда америкалик сиёсатчилардан ёрдам сўрамоқчи бўлгани таъкидланган эди. Кейинчалик бу хабарларни АҚШ давлат котиби ёрдамчиси Дилан Жонсон инкор этди.
«ФИФА президенти сўнгги кунларда на АҚШ президентига ва на унинг маъмурияти аъзоларидан бирортасига қўнғироқ қилмаган. Бу шунчаки ўйлаб топилган уйдирма», – деб келтиради ФИФА вакилининг сўзларини журналист Бен Жейкобс.
