«Тоттенхэм» марказий ҳимоячиси Кристиан Ромерода фаолиятини Испанияда давом эттириш варианти пайдо бўлди.

Миш-мишларга кўра, аргентиналик футболчи Миланнинг «Интер» клубига ўтишга оғзаки розилик бериб бўлган, аммо «нерадзурри»лар келишувни якунлаш учун аввал футболчиларини сотишлари керак. Инсайдер Маттео Мореттонинг маълумотларига кўра, «шпорлар» капитани Мадриднинг «Атлетико» клуби учун устувор нишонга айланган. «Матрасчилар» жаҳон чемпиони учун курашда «Интер»ни ортда қолдиришлари мумкин, бироқ бунинг учун улар ҳам аввал амалдаги таркибдаги қайсидир футболчи билан хайрлашишларига тўғри келади.

Мавжуд маълумотларга кўра, «Тоттенхэм» Ромерони тахминан 40 млн еврога сотишга тайёр. 28 ёшли футболчининг лондонликлар билан амалдаги шартномаси 2029 йилгача мўлжалланган.