Чоршанба куни "Реал Мадрид" ва Винисиус Жуниор ўртасида шартномани узайтириш бўйича музокаралар бўйича янги учрашув бўлиб ўтди. Ижтимоий тармоқлардаги нуфузли инсайдер Фабрицио Романонинг сўзларига кўра, барча томонлар учрашувни "жуда ижобий" деб таърифлашган.

"Реал Мадрид" Винисиус Жуниор ва унинг агентлиги Roc Nation билан шартномани узайтириш бўйича музокара олиб бормоқда. Мадрид клуби бразилияликдан имкон қадар тезроқ якуний жавоб сўраган.

Аввалроқ "Реал Мадрид" 26 ёшли Винисиусга клуб лойиҳасидаги аҳамиятини акс эттирувчи янги таклиф билан чиққани ҳақида хабар берилган эди. "Арсенал" вазиятни кузатиб бормоқда ва бразилияликни "Лос Бланкос"дан сотиб олишга ҳаракат қилишга тайёр.