"Ювентус" бош мураббийи Лучано Спаллетти ўртоқлик учрашувида "Челси" устидан 1:0 ҳисобида қозонилган ғалабадан сўнг фикр билдирди.
"Биз бутун ўйин давомида ҳам босим остида, ҳам қарши ҳужумда бир бутун бўлиб ҳаракат қила олдик.
Жамоа биргаликда ўйнади. "Челси" ҳамма нарсага қодир: ўз дарвозасидан ҳужумларни бошлаш, уларни якунлаш ва тезда олдинга силжиш. Шунинг учун уларга руҳий жиҳатдан ютқазмаслик муҳим эди.
Жегрова ажойиб гол урди, аммо энг муҳими унинг ўйини ва муносабати эди. У бир неча бор тўпни йўқотди, лекин у тўп унинг оёғида бўлганида нималарга қодирлигини ҳам кўрсатди. Футболчи ҳеч қачон кучлироқ бўлиш учун ўз устида ишлашдан тўхтамаслиги керак" - деди Спаллетти Sky Sport Italia нашрига.
