«Ковентри Сити» клуби Даниянинг «Нордшелланд» жамоасидан Гана терма жамоаси ярим ҳимоячиси Калеб Йиренкини 27 миллион евро эвазига сотиб олмоқда. Бонуслар сифатида яна 3 миллион евро кўзда тутилган, деб хабар беради Tipsbladet.
Бу Дания футболи тарихидаги рекорд даражадаги сотув (трансфер) ҳисобланади. Инсайдер Фабрицио Романонинг маълумотларига кўра, 20 ёшли футболчи аллақачон тиббий кўрикдан ўтиб бўлган.
«Ковентри» бош мураббийи Фрэнк Лэмпард ҳисобланади. Ўтган мавсумда англиялик мутахассис қўл остидаги жамоа Чемпионшипда 1-ўринни эгаллаб, АПЛга йўлланмани қўлга киритган эди.
