«Koventri Siti» klubi Daniyaning «Nordshelland» jamoasidan Gana terma jamoasi yarim himoyachisi Kaleb Yirenkini 27 million yevro evaziga sotib olmoqda. Bonuslar sifatida yana 3 million yevro ko‘zda tutilgan, deb xabar beradi Tipsbladet.

Bu Daniya futboli tarixidagi rekord darajadagi sotuv (transfer) hisoblanadi. Insayder Fabrisio Romanoning ma’lumotlariga ko‘ra, 20 yoshli futbolchi allaqachon tibbiy ko‘rikdan o‘tib bo‘lgan.

«Koventri» bosh murabbiyi Frenk Lempard hisoblanadi. O‘tgan mavsumda angliyalik mutaxassis qo‘l ostidagi jamoa Chempionshipda 1-o‘rinni egallab, APLga yo‘llanmani qo‘lga kiritgan edi.