Инсайдер Маттео Моретто маълумотига кўра, Мадриднинг «Атлетико» клуби норвегиялик ҳужумчи Александр Сёрлот билан хайрлашишга тайёр ва унинг трансферини 40 миллион еврога баҳоламоқда.
Сёрлотнинг ўзи Туркия Суперлигасига кўчиб ўтиш вариантини кўриб чиқишга қарши эмас, бироқ у фақат жуда юқори ва манфаатли маош таклиф қилинган тақдирдагина Туркияда ўйнашга рози бўлади.
Агар норвегиялик ҳужумчи «Метрополитано»ни тарк этса, «Атлетико» унинг ўрнига асосий нишон сифатида «Ювентус» форварди Душан Влаховични сотиб олишни режалаштирмоқда.
Шу билан бирга, Туркиянинг «Бешиктош» клуби Серлотнинг вазиятини синчковлик билан кузатиб бормоқда ва шу билан бир вақтда трансфер бозорида Влаховични ўз сафига қўшиб олиш учун ҳам фаол кураш олиб бормоқда.
