«Атлетико» ҳимоячиси Маттео Руджери фаолиятини Англия Премьер-лигасида давом эттиришга яқин.
Машҳур инсайдер Фабрицио Романо маълумотига кўра, «Астон Вилла» мадридликлар клуби билан италиялик футболчининг трансфери борасида келишувга эришган. Трансфер қиймати 20 миллион еврони ташкил қилади.
Манбага кўра, 22 ёшли чап қанот ҳимоячиси Бирмингем клубига ўтишга розилик берган. Айни вақтда «Астон Вилла» ва Руджери вакиллари футболчининг шахсий шартномаси шартларини муҳокама қилмоқда.
Трансферни расмийлаштириш учун томонлар яна бир нечта масалани ҳал қилиши керак.
Маттео Руджери 2025 йил ёзидан буён «Атлетико» шарафини ҳимоя қилиб келмоқда. У мадридликлар сафига «Аталанта»дан кўчиб ўтган.
