Лионель Мессининг отасидан ташқари, Аргентина футболида яна бир йўқотиш юз берди.
Мигель Убальдо Ингомирьельо 99 ёшида ўз туғилган шаҳри Ла-Платадаги Испан госпиталида умрининг сўнгги кунларини ўтказиб, ҳаётдан кўз юмди. Унинг футболдаги фаолияти ярим асрдан кўпроқ вақтни ташкил этди — аввалига футболчи, сўнгра мураббий сифатида.
70-йилларда айнан у Аргентина терма жамоасини 1974 йилги Жаҳон чемпионатига олиб чиққан, шунингдек, Марио Кемпесни кашф этиб, миллий термага жалб қилган эди. Орадан тўрт йил ўтиб, аргентиналиклар ўз тарихида илк бор Жаҳон чемпиони бўлишганида айнан Кемпес жамоанинг бош юлдузига айланган эди.
