«Комо» бош мураббийи янги мавсумда 33 ёшли испаниялик ҳужумчи Альваро Мората хизматларидан фойдаланишни режалаштирмаяпти. Бу ҳақда футбол инсайдери Николо Скира хабар берди.

Журналистнинг маълум қилишича, бир қатор клублар испаниялик форвардга қизиқиш билдирмоқда. Улар орасида Ла Лига вакиллари «Депортиво» ва «Хетафе», шунингдек, МЛСнинг «Атланта Юнайтед» клуби бор.

Бундан ташқари, Скира Моратанинг Саудия Арабистони, Мексика ёки Қатар чемпионатларига кўчиб ўтиши мумкинлигини ҳам қайд этган. Бироқ ушбу мамлакатларда футболчига қайси клублар қизиқиш билдираётгани аниқ айтилмаган.

Мората ўтган мавсумда «Комо» сафида барча мусобақаларда 30 та учрашув ўтказиб, 1 та гол ва 1 та голли узатма қайд этган.