Мадриднинг «Атлетико» клуби ҳимоячиси Науэль Молина фаолиятини Италиянинг «Рома» жамоасида давом эттириши мумкин.
Журналист Маттео Моретто маълумотига кўра, аргентиналик футболчи римликлар билан шахсий шартнома шартларини келишиб олган. Томонлар ўртасидаги келишув 4 йилга мўлжалланган.
Трансфер яқин вақт ичида расман эълон қилиниши мумкин. Аввалроқ матбуотда «Рома» Молинанинг трансфери учун тахминан 18 млн евро тўлаши ҳақида хабарлар тарқалганди.
Молина 2022 йил ёзидан буён «Атлетико» шарафини ҳимоя қилиб келмоқда. У Испанияга кўчиб ўтишидан аввал икки йил давомида Италия чемпионатида «Удинезе» таркибида ўйнаган.
