Madridning «Atletiko» klubi himoyachisi Nauel Molina faoliyatini Italiyaning «Roma» jamoasida davom ettirishi mumkin.
Jurnalist Matteo Moretto ma’lumotiga ko‘ra, argentinalik futbolchi rimliklar bilan shaxsiy shartnoma shartlarini kelishib olgan. Tomonlar o‘rtasidagi kelishuv 4 yilga mo‘ljallangan.
Transfer yaqin vaqt ichida rasman e’lon qilinishi mumkin. Avvalroq matbuotda «Roma» Molinaning transferi uchun taxminan 18 mln yevro to‘lashi haqida xabarlar tarqalgandi.
Molina 2022 yil yozidan buyon «Atletiko» sharafini himoya qilib kelmoqda. U Ispaniyaga ko‘chib o‘tishidan avval ikki yil davomida Italiya chempionatida «Udineze» tarkibida o‘ynagan.
