«Атлетико»нинг чап қанот ҳимоячиси Маттео Ружери «Астон Вилла»га ўтмоқда.

Клублар 24 ёшли италиялик футболчининг трансфери бўйича 25 миллион еврога оғзаки келишиб олишди. Яна 1,5 миллион евро бонуслар сифатида кўзда тутилган, деб хабар беради Фабрицио Романо.

Маттео Бирмингем клуби билан шахсий шартнома бўйича аллақачон келишиб олди. Агар ҳужжатлар яқин кунларда тасдиқланса, футболчи шу ҳафтада тиббий кўрикдан ўтиш учун жўнаб кетади.

Ружери «Аталанта»дан 17+3 миллион евро эвазига трансфер қилинганидан сўнг «Атлетико»да бир мавсум ўтказди. Ла Лиганинг 26 та ўйинида у 3 та голли узатма берди ва 4 та сариқ карточка олди.