«Atletiko»ning chap qanot himoyachisi Matteo Rujeri «Aston Villa»ga o‘tmoqda.
Klublar 24 yoshli italiyalik futbolchining transferi bo‘yicha 25 million yevroga og‘zaki kelishib olishdi. Yana 1,5 million yevro bonuslar sifatida ko‘zda tutilgan, deb xabar beradi Fabrisio Romano.
Matteo Birmingem klubi bilan shaxsiy shartnoma bo‘yicha allaqachon kelishib oldi. Agar hujjatlar yaqin kunlarda tasdiqlansa, futbolchi shu haftada tibbiy ko‘rikdan o‘tish uchun jo‘nab ketadi.
Rujeri «Atalanta»dan 17+3 million yevro evaziga transfer qilinganidan so‘ng «Atletiko»da bir mavsum o‘tkazdi. La Liganing 26 ta o‘yinida u 3 ta golli uzatma berdi va 4 ta sariq kartochka oldi.
