Инсайдер Николо Скиранинг сўзларига кўра, "Аталанта" марказий ҳимоячиси Джорджо Скальвини Лондоннинг "Тоттенхэм" клуби эътиборини тортди.
Манбанинг хабар беришича, "шпорлар" 22 ёшли италиялик футболчига қизиқиш билдирган. Бироқ, тафсилотлар ҳали ошкор қилинмаяпти.
Пойтахт клуби яқин орада "Атлетико Мадрид"га ўтиши кутилаётган Кристиан Ромеронинг ўрнини босувчи футболчи қидирмоқда.
Джорджо Скальвини ўтган мавсумда барча мусобақаларда 30 та ўйинда майдонга тушиб, учта гол урган ва битта голли узатма берган.
Ҳимоячининг "Аталанта" билан шартномаси 2028 йилгача амал қилади. Transfermarkt мутахассислари италиялик футболчини 38 миллион еврога баҳоламоқда.
