«Црвена Звезда» бош мураббийи Деян Станкович жамоанинг Чемпионлар лигаси саралаш босқичидан чиқиб кетганидан сўнг истеъфога чиқарилди.

«Direktno» нашри маълумотига кўра, Станкович Чемпионлар лигаси 3-саралаш босқичи доирасида «Хапоэль»га қарши жавоб учрашувидан кейин футболчилар билан кийиниш хонасида хайрлашган. Белградда ўтказилган баҳсда серб клуби 0:2 ҳисобида мағлуб бўлди. Биринчи учрашувда ҳам «Црвена Звезда» 0:1 ҳисобида имкониятни бой берганди.

Шу тариқа, Сербия амалдаги чемпиони қитъанинг энг нуфузли клублар мусобақаси — Чемпионлар лигасининг умумий босқичига йўлланма ололмади. Жамоа Европа мусобақаларидаги иштирокини Европа лигаси саралаш босқичида давом эттиради ва у ерда Чехиянинг «Виктория» клубига қарши майдонга тушади.

Станкович «Црвена Звезда»ни 2025 йил декабридан буён бошқариб келаётган эди. Унинг қўл остида жамоа барча мусобақаларда 32 та учрашув ўтказиб, 24 та ғалаба, 3 та дуранг ва 5 та мағлубият қайд этди.