«Ливерпуль» дарвозабони Алиссон Бекер ҳамон «Ювентус»нинг қизиқишлари доирасида қолмоқда.

Турин гранди жорий ёзда бразилиялик голкиперни ўз сафига қўшиб олишга муваффақ бўлмади, бироқ келаси йили унинг трансферини амалга оширишга умид қилмоқда.

SportMediaset маълумотига кўра, «Ювентус» 2026/27 йилги мавсум якунланганидан сўнг Алиссонни эркин агент сифатида қўлга киритишга ҳаракат қилади. Ўша пайтда дарвозабоннинг «Ливерпуль» билан амалдаги шартномаси ўз ниҳоясига етади. «Бьянконери» бош мураббийи Лучано Спаллеттининг шахсан ўзи ҳам Алиссон трансферига қизиқиш билдирмоқда.

Келаси мавсумда «Ювентус»нинг асосий дарвозабони Дзион Сузуки бўлиши мумкин. «ПСЖ» уни «Парма»дан сотиб олганидан сўнг дарҳол ижарага беришга тайёр. Туринликлар япониялик голкиперни ижарага олиш вариантларидан бири сифатида кўрмоқда.

Алиссон 2018 йилдан буён «Ливерпуль» шарафини ҳимоя қилиб келмоқда. Бразилиялик дарвозабон октябрь ойида 34 ёшга тўлади.