«Манчестер Юнайтед» бош мураббийи Майкл Каррик 2026 йилги жаҳон чемпионатидан сўнг яқинда жамоа машғулотларига қайтган Лисандро Мартинес, Кобби Майну ва Маркус Рэшфорднинг ҳолати ҳақида маълумот берди.
«Уларнинг ҳолати яхши. Улар машғулотлардан жуда узоқ вақт четда қолишмади — бор-йўғи уч ҳафтача.
Агар бу мавсум давомида бўлганида, катта муаммо ҳисобланмасди. Аммо ҳозир мавсумолди тайёргарлиги бўлгани учун, улар таътилга чиқиб, энди ортга қайтгани яққолроқ сезилади.
Шунга қарамай, деярли барчаси яхши жисмоний ҳолатда. Энди асосий вазифа ҳафта давомида юкламани тўғри тақсимлаш ва футболчиларнинг аксариятини учта ўйинга турли шаклда жалб қилишдан иборат.
Шанба куни кўпроқ ўйин амалиётига муҳтож футболчиларга каттароқ юклама берилади. Бу эса «Халл»га қарши ўйин олдидан яхши машғулот ҳафтасини ўтказишимизга ёрдам беради», — деди Кэррик.
