Ҳужумчи Ромелу Лукаку фаолиятини Туркияда давом эттиради. Аввалроқ "Фенербахче" бельгиялик форварднинг трансферини расман эълон қилган эди. Турк клуби директори Огуз Четиннинг айтишича, музокаралар жараёнида Лукаку катта ён беришларга тайёр бўлган.
"Лукаку ўз манфаатлари билан боғлиқ масалаларда шахсий қурбонликларга борди. Бу ҳам "Наполи" билан музокараларда, ҳам уларнинг бизга қўйган талабларини ҳисобга олганда яққол кўринди. У 2 миллион евродан воз кечди ва ҳатто бундан ҳам ортиғига бориб, қўшимча 150 минг евро талаб қилган клубга бу пулни ўз чўнтагидан тўлади", — деди Четин.
33 ёшли Ромелу Лукаку "Наполи"дан "Фенербахче"га кўчиб ўтди.
