"Бешиктош" ўз расмий сайтида ҳужумчи Душан Влахович билан шартнома имзоланганини эълон қилди. 26 ёшли сербиялик футболчи Туркия клубига эркин агент сифатида қўшилди.
Влахович "Бешиктош" билан уч йиллик шартнома имзолади. Клуб баёнотида қайд этилишича, футболчининг ҳар бир мавсум учун кафолатланган маоши 7,5 миллион еврони ташкил қилади.
Душан Влахович фаолияти давомида "Партизан", "Фиорентина" ва "Ювентус" клубларида тўп тепган. Энди сербиялик ҳужумчи ўзини Туркия чемпионатида синаб кўради.
Пайшанба куни "Бешиктош" Европа лигаси саралаш босқичида "Градец-Кралове"ни ўз майдонида қабул қилади.
