Сўнгги кунларда ОАВ «Ливерпуль» яримҳимоячиси Алексис Мак Аллистерни бир қатор клублар, жумладан «Манчестер Сити» ва «Галатасарой» билан боғлаётган эди. Бироқ аргентиналик футболчи жорий ёзда жамоасини ўзгартирмайди.

Бу ҳақда Макаллистернинг отаси маълум қилди.

«Алексис «Ливерпуль»да қолади. Биз унинг бу ёзда клубни тарк этиши мумкинлиги ҳақида умуман гаплашмадик», — дея Мак Аллистернинг отаси сўзларини The Touchline нашри келтирди.

Алексис Мак Аллистер 2023 йил ёзида «Брайтон»дан «Ливерпуль»га ўтган эди.

Аргентиналик яримҳимоячи «қизиллар» сафида уч мавсум давомида жами 150 та ўйинда майдонга тушиб, 19 та гол урди ва 20 та голли узатмани амалга оширди.