«Суонси» устози Микаэль Лаудруп Европа лигаси доирасидаги «Валенсия»га қарши ўйин ҳақида фикр билдирар экан, рақибнинг кучсиз томонлари йўқ эмаслигини таъкидлади.
«Кўп йиллар «Валенсия» Испанияда учинчи жамоа бўлиб келди. Ҳозир эса «Атлетико» кучлироқ туюлмоқда. Мавсум боши испанлар учун мураккаб бўлди. Улар янги мураббий билан ўйнашади. Бундан ташқари асосий таркибнинг бир қатор футболчиларини қўйиб юборишди.
«Валенсия» қийин аҳволда. Агар ўзимизнинг энг яхши ўйинимизни кўрсатадиган бўлсак, уларни мағлуб этишимиз мумкин.
Ҳар икки жамоа ҳам майдондаги устунликни ўз қўлига олишга ҳаракат қилиб ўйнайди ва бу ўйиннинг қизиқарли бўлишини таъминлайди»,- дейди мураббий.