Opta суперкомпьютери Англия Премьер-лигасининг 2026/27 йилги мавсумида чемпионлик учун асосий даъвогарларни аниқлади.

Прогнозни тузиш учун модель чемпионатни 10 минг марта симуляция қилган.

Ҳисоб-китобларга кўра, амалдаги Англия чемпиони "Арсенал" асосий фаворит деб топилди. Микель Артета жамоасининг чемпионлик унвонини ҳимоя қилиш эҳтимоли 38 фоизга баҳоланган.

Иккинчи ўринда "Манчестер Сити" бормоқда — 20,5 фоиз. Кучли учликни "Ливерпуль" 9,2 фоизлик кўрсаткич билан якунлаган.

"Манчестер Юнайтед"нинг чемпион бўлиш эҳтимоли 6,2 фоизга тенг. "Астон Вилла"га 4,8 фоиз, "Челси"га эса 4,1 фоиз имконият берилган.

Эслатиб ўтамиз, 2025/26 йилги мавсумда "Арсенал" Англия чемпиони бўлган. "Манчестер Сити" ва "Манчестер Юнайтед" эса кучли учликдан жой олган.