"Астон Вилла" дарвозабони Эмилиано Мартинес, жамоани тарк этиши ҳақидаги миш-мишларга қарамай, Бирмингем клуби ихтиёрида қолишда давом этмоқда.
Инсайдер Фабрицио Романо бериб ўтган маълумотга кўра, "Ювентус" аргентиналик посбон трансфери бўйича янги музокаралар раундини ўтказди, аммо музокаралар муваффақиятсиз якунланди. Жаҳон чемпионати вақтида Мартинеснинг саломатлигида муаммолар юзага келгани сабабли, туринликлар ҳозирда бошқа номзодларни ҳам кўриб чиқишмоқда. ўз навбатида "Астон Вилла" "Парма" дарвозабони Дзион Сузуки трансфери бўйича музокараларни илгарилатмоқда.
2025/26 йилги мавсумда 33 ёшли Мартинес "Астон Вилла" сафида барча турнирларни ҳисобга олганда 44 та ўйинда майдонга тушди. Ушбу баҳсларда у 49 та гол ўтказиб юборди ва 14 маротаба ўз дарвозаси дахлсизлигини сақлаб қолди.
