"Арсенал" ҳимоячиси Габриэл Магаляйнс Англия Суперкубогида "Манчестер Сити"га қарши ўйин олдидан жамоанинг янги мавсумдаги мақсадлари ҳақида гапирди. Бразилиялик футболчининг таъкидлашича, ўтган мавсумда АПЛ чемпионлигини қўлга киритган "канонирлар" эришилган натижа билан чекланиб қолмоқчи эмас.
"Биз янада кўпроғини хоҳлаймиз. Ҳар бир соврин учун курашмоқчимиз ва янги мавсумга тайёрмиз", деди Габриэл. У Микел Артета жамоасидаги асосий руҳни бир сўз билан "иштиёқ" деб таърифлади.
28 ёшли ҳимоячининг сўзларига кўра, жамоа ҳали кўп жиҳатларни яхшилаши керак, бироқ "Арсенал" ўз имкониятларига ишонади. Лондонликлар янги мавсумда бешта соврин учун курашиш имкониятига эга ва Габриэл жамоа барча турнирларда максимал натижани кўзлашини таъкидлади.
"Арсенал" ва "Манчестер Сити" Англия Суперкубоги учун Кардиффдаги "Принсипалити" стадионида тўқнашади. "Канонирлар" баҳсга амалдаги Премьер-лига чемпиони, "Сити" эса Англия кубоги соҳиби сифатида йўлланма олган. Учрашув 16 август куни Тошкент вақти билан соат 19:00 да бошланади.
